آگم ڪيو اچن...

آڏَ تِراڇا

(صفت - adjective)
ڇَند : 2+2+1+1+2 = 8
(aaD'a terachha - आॾ तिराछा)

Frequency: 0

آڏَ تِراڇا جي سنڌي معنيٰ
  • آڏاٽيڏا، ڏنگا ڦڏا، ٽيڏا تِرڇا، ور وڪڙ وارا. اُبتا سبتا. هيٺ مَٿي ذريعو:ڀٽائي پيڊيا
    • English Meaning
  • Zigzag, snaky, curvy, twisty.
    • آڏَ تِراڇا جا بيتن ۾ حوالا
    آڏَ تِراڇا آھُڙا، ڏُونگَرَ کي ڏاڪا،
    ڪِيَمِ آھَ عَجِيبَ کي، سِڪَ مَنجهان سا ڪا،
    پيئِي ھِيڻِيءَ جِي ھوتَ کي، ڪُوڪَ وَڃِي ڪَنِ ڪا،
    مُنھِنجو وَسُ واڪا، ٻُڌَڻُ ڪَمُ ٻَروچَ جو.
    [ سُر ديسي، آڏ تراڇا جبل، 1 ]
    آڏَ تِراڇا آھُڙا، ڏُونگَرَ کي ڏاڪا،
    وَٺِي وَرُ واٽَ ٿِئا، بَرِ چَڙِهي بانڪا،
    ڦَٽِئا ڦَڻَ فَقِيرِ جا، چَڙَھَندي چَڙَھَندي چَڙاھاڪا،
    ھُيَنِ جِيءَ اَندَرِ جا ڪا، وِئا پُڄائي پانھِنجِي.
    [ سُر ديسي، آڏ تراڇا جبل، 2 ]
    آڏَ تِراڇا آھُڙا، ڏاڪا ڏُونگَرَ کي،
    ھُو جٖي وَڻَ وِندُرَ جا، مارِيندا مُون کي،
    ھاڙھو ھِيڻِيءَ کي، لَنگهائيجِ لَطِيفُ چئَي،
    [ سُر ديسي، آڏ تراڇا جبل، 3 ]
    آڏَ تِراڇا آھُڙا، ڏُونگَرَ کي ڏارُون،
    ھِينئَڙو ھيرَڻَ پَنَ جِيئَن، ڦُٽِي ٿِئو ڦارُون،
    ڪَنھِن کي ڏيکارِيُون، ڪونِهي سوداگَرُ سُورَ جو.
    [ سُر ديسي، آڏ تراڇا جبل، 4 ]
    آڏَ تِراڇا آھُڙا، وِندُرَ وَراڪا وَرَ،
    حُبَ جَنھِن کي ھوتَ جِي، سا ڏورِيندِي ڏُونگَرَ،
    پَھچائِيين پَرَوَرَ، لُطِفَ ساڻُ لَطِيفُ چئَي.
    [ سُر ديسي، آڏ تراڇا جبل، 5 ]
    آڏَ تِراڇا آھُڙا، وِندُرِ وَراڪا واڪَ،
    اُجهايَسِ اُٺَنِ جِي، ڦوڙائي فِراقَ،
    پُنهون پَرَمَلَ پاڪَ، واحِدَ لَڳِ وريجِ تُون.
    [ سُر ديسي، آڏ تراڇا جبل، 6 ]
    آڏَ تِراڇا آھُڙا، وِنگاَ وَرَ واٽُنِ،
    جيرا جِگرَ بُڪِيُون، آرِيءَ لَيءِ آٽَنِ،
    ڪَسي ڪَنواٽَنِ، سَنڀُوڙا سَيِّدُ چئَي.
    [ سُر ديسي، آڏ تراڇا جبل، 7 ]
    English Meaning
  • Zigzag, snaky, curvy, twisty.
    • آڏَ تِراڇا ٻول جا زمرا
    ٻٽا ٻول

    ڪوش آخري ڀيرو 2026-02-22 جي 11:19 لڳي اپڊيٽ ٿيو.