آگم ڪيو اچن...

تَوائِي

(صفت - adjective)
ڇَند : 2+2+1 = 5
(tavaa'ee - तवाई )

Frequency: 6

تَوائِي جي سنڌي معنيٰ
  • گمراھ، ڀليل، بتال ٿيل، منجهيل. وائڙو، موڳو، حيران. ڇڙ وڇڙ. ذريعو:ڀٽائي پيڊيا
    • English Meaning
  • At random, without aim or thought, at fault, missed, passed without effect, wandering uselessly, scattered here and there.
    • تَوائِي جا بيتن ۾ حوالا
    ھِڪِي ٻانِهي چِتَ ۾، ٻِي اللهُ ڪَري،
    پاڻِهين وِجِهي ڪُنَ ۾، پاڻِهين ڪَنڌِي نِئي،
    سُتَڙِ سي ڍوئي، جٖي تَڙِ تَوائِي مَڪُڙا.
    [ سُر سريراڳ، سيوا ۽ سار، 22 ]
    وَکَرُ وَڻِجارا، پاڻَ پَرائو چاڙِھِيو،
    اَچِي لَهرِيُون لَڳِيُون، ٻيڙي ٻَپارا،
    جاڳو جَي يارا، تَہ تَڙِ تَوائِي نَہ ٿِئي.
    [ سُر سريراڳ، املهہ وکر، 2 ]
    کِوَڻِ کوايو، تو آئِي نِنڊَ اَڀاڳَ کي،
    ڀَؤُ نَہ جَنِ ڀانيو، ڪَري تَوائِي تَنِ کي.
    [ سُر سريراڳ، توڪل، جاڳ سجاڳ، 9 ]
    سامُونڊِي ٿو سَنبَھين، ساڄو جَهلِ سُکانُ،
    لَڳي واءُ وَڏاندَرو، مُنجهائي مَھِراڻُ،
    جَنِي ڀانيو پاڻُ، ڪَري تَوائِي تَنِ کي.
    [ سُر سريراڳ، جيون ۽ جھاز، 4 ]
    توڙي تَوائِي، توءِ تُنھِنجي آسِري،
    جِيئَن وَڻِجارِي سين وَکَرين، تِيئَن مان گهَرَ سَرَھائِي،
    سَڄَڻُ ڳَرِ لائِي، کِيرُون ڏيِندَيِسِ جيڏِيين.
    [ سُر سريراڳ، جيون ۽ جھاز، 16 ]
    سَڀا سِياھِي آھي آرِيءَ ڄامَ ري،
    ڪَڏِھِين پَسي ڪانَہ ڪا، ريءَ لالَڻَ لالائِي،
    دُودُ دِلِ تان دُورِ ڪَري، ساڄَنَ صَفائِي،
    مَن لا شیخ لہ فشیخہ الشیطٰن ، اِنَ ريءَ اُونداھِي،
    ھُوءَ جَا ھَلِي ھيڪَلِي، گِيرَبُ گَنوائِي،
    بِلَا شَيۡخ مَنۡ يَّمۡشِيۡ فِي الطرِيۡقِ ڪَمَنۡ يَّشۡمِيۡ فِي الۡبَحۡرِ بِلَا سَفِيۡنَةٍ ، اِھَڙِي اَوائِي،
    تَنھِن ريءَ تَوائِي، ڪوڙيِين ٿِيَنِ ڪيتِريُون.
    [ سُر ديسي، اوٺي اُٻھرا، 7 ]
    English Meaning
  • At random, without aim or thought, at fault, missed, passed without effect, wandering uselessly, scattered here and there.

    • ڪوش آخري ڀيرو 2026-02-22 جي 11:19 لڳي اپڊيٽ ٿيو.